នាព្រឹកថ្ងៃទី០៧ ខែសីហា ឆ្នាំ២០២៤ ឯកឧត្តម ងី ច័ន្រ្ទផល ប្រធានគណៈកម្មការទី១ព្រឹទ្ធសភា និង លោកជំទាវ ឃួន ឃុនឌី សមាជិកាគណៈកម្មការទី៨ បានអញ្ជើញទៅគោរពវិញ្ញាណក្ខន្ធសពឯកឧត្តម ណាឌី តាន់ ទីប្រឹក្សា និងជាអតីតអគ្គលេខាធិការរាជរដ្ឋាភិបាល និងជាអតីតនាយទាហ៊ានកងទ័ពអាកាសខ្មែរ ដែលបានទទួលមរណភាព កាលពីថ្ងៃចន្ទ ១កើត ខែស្រាពណ៍ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៥ ខែសីហា ឆ្នាំ២០២៤ វេលាម៉ោង ០៩:០៩នាទីព្រឹក ក្នុងជន្មាយុ៨៨ឆ្នាំ ដោយជរាពាធ។ ពីធី បុណ្យសព ឯកឧត្តម ណាឌី តាន់ ត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅបុរីអង្គរភ្នំពេញ គម្រោង២ ផ្ទះលេខ៤៣ ផ្លូវលេខ១១ ។
